Act 11 | Ndebele | STEP | Abaphostoli labazalwane ababeseJudiya basebesizwa ukuthi abezizwe labo balemukele ilizwi likaNkulunkulu .

1 Abaphostoli labazalwane ababeseJudiya basebesizwa ukuthi abezizwe labo balemukele ilizwi likaNkulunkulu ^a. 2 Kwathi uPetro esenyukele eJerusalema ^b, abokusoka baphikisana laye ^c, 3 besithi: Ungene emadodeni angasokanga, wadla lawo ^d. 4 Kodwa uPetro eqala wabalandisela ^e ngokulandelana esithi ^f: 5 Mina ngangisemzini weJopha ngikhuleka ^g, ngasengibona ekuhlehlisweni kwengqondo umbono ^h, kwehla isitsha esithile, sinjengelembu elikhulu sisehliswa ngamasondo amane sivela ezulwini, sasesifika kimi; 6 okwathi sengilikhangelisisile ngaqaphelisa ⁱ, ngasengibona inyamazana ezilenyawo ezine zomhlaba lezeganga lezihuquzelayo lenyoni zezulu. 7 Ngasengisizwa ilizwi lisithi kimi: Sukuma, Petro, hlaba udle. 8 Kodwa ngathi: Hatshi bo Nkosi; ngoba loba yini engahlambulukanga kumbe engcolileyo kayizake ingene emlonyeni wami. 9 Kodwa ilizwi langiphendula ngokwesibili livela ezulwini lathi: Izinto uNkulunkulu azihlambululileyo, wena ungatsho ukuthi kazihlambulukanga. 10 Lokhu-ke kwenzeka kathathu, njalo konke kwabuye kwadonselwa phezulu ezulwini. 11 Njalo khangela, ngasona lesosikhathi amadoda amathathu ema phambi kwendlu engangikuyo, ethunyiwe kimi evela eKesariya ^j. 12 UMoya wasesithi kimi ngihambe lawo, ngingathandabuzi; lalababazalwane abayisithupha labo bahamba lami ^{k
,} ^l, sasesingena endlini yendoda; 13 yasisibikela ukuthi yayibone njani ingilosi imi endlini yayo, isithi kuyo: Thumela amadoda eJopha, ubize uSimoni, othiwa nguPetro, 14 ozakutshela amazwi ^m, ozasindiswa ngawo wena lendlu yakho yonke ⁿ. 15 Kwathi ngisaqala ukukhuluma, uMoya oyiNgcwele wehlela phezu kwabo ^o, lanjengakithi ekuqaleni ^p. 16 Ngakhumbula ilizwi leNkosi ^q, ukuthi yakhuluma njani isithi: Isibili uJohane wabhabhathiza ngamanzi, kodwa lina lizabhabhathizwa ngoMoya oNgcwele ^r. 17 Ngakho nxa uNkulunkulu ^s ebanikile isipho esifananayo lanjengakithi ^t, esakholwa eNkosini uJesu Kristu, mina bengingubani ebengingavimbela uNkulunkulu ^u? 18 Njalo bathi sebezizwile lezizinto bathula, bamdumisa uNkulunkulu ^v, besithi: Ngakho-ke uNkulunkulu unikile abezizwe ^w labo ukuphendukela empilweni ^x.

Amakholwa eAntiyoki abizwa ngokuthi ngamaKristu

19 Labo-ke abahlakazeka ngokuhlupheka ^y okwenzeka mayelana loStefane badabula baze bafika eFenekiya ^z leKuprosi ^aa leAntiyoki ^ab, bengalikhulumi ilizwi lakoyedwa ngaphandle kumaJuda kuphela. 20 Kodwa kwakukhona abanye kubo, amadoda amaKuprosi ^ac lamaKurene ^ad, abathi sebefike eAntiyoki ^ae, bakhuluma lamaHelenisiti* ^af, betshumayela indaba ezinhle zeNkosi uJesu ^ag. 21 Lesandla seNkosi sasilabo ^ah; njalo inani elikhulu lakholwa ^ai laphendukela eNkosini ^aj. 22 Zasezizwakala indaba ngabo endlebeni zebandla elaliseJerusalema ^ak; basebethuma uBarnabasi ^al ukuthi adabule kuze kube seAntiyoki ^am; 23 kwathi esefikile esebona umusa kaNkulunkulu wathokoza ^an, wasebakhuthaza bonke ^ao ukuthi babambelele eNkosini ngokuzimisela kwenhliziyo ^ap; 24 ngoba wayeyindoda elungileyo ^aq egcwele uMoya oNgcwele lokholo ^ar; kwengezelelwa eNkosini ixuku elikhulu ^as. 25 UBarnabasi wasesiya eTarsu ukuze adinge uSawuli ^at, 26 kwathi esemtholile wamletha eAntiyoki ^au. Kwasekusithi umnyaka wonke behlangana ebandleni bafundisa ixuku elikhulu; njalo abafundi ^av baqala ukubizwa ngokuthi ngamaKristu ^aw eAntiyoki ^ax.

AmaKristu athumela izipho kubazalwane beJudiya

27 Kwathi ngalezonsuku kwafika eAntiyoki ^ay abaprofethi ^az bevela eJerusalema. 28 Kwasekusukuma omunye wabo othiwa nguAgabusi ^ba, watshengisa ngoMoya ukuthi kuzakuba khona indlala enkulu ^bb emhlabeni wonke ^bc; eyaba khona futhi ngesikhathi sikaKlawudiyosi Kesari ^bd. 29 Labafundi bazimisela ukuthi ngulowo lalowo wabo athumele njengamandla alowo lalowo ^be okokusiza ^bf abazalwane abahlala eJudiya ^bg; 30 abakwenzayo-ke ^bh, bakuthumela kubadala ngesandla sikaBarnabasi loSawuli ^bi.